அமெரிக்காவின் முதல் பெண் துணை அதிபராகத் தமிழகத்தை மரபுவழியாகக் கொண்ட கமலா ஹாரிஸ் பதவியேற்றுக்கொண்டார்.

07,தை,தமிழ்த்தொடராண்டு-5122: அமெரிக்கா அதிபர் தேர்தலில் ஜனநாயக கட்சி வேட்பாளர் ஜோ பைடன் வெற்றி பெற்று, அமெரிக்காவின் 46-வது அதிபராக தேர்வு செய்யப்பட்டுள்ளார். துணை அதிபராக தமிழகத்தை மரபுவழியாகக் கொண்ட கமலா ஹாரிஸ் வெற்றிபெற்றார். தற்போதைய அதிபரான டொனால்டு டிரம்ப் மற்றும் துணை அதிபரான மைக் பென்ஸ் தோல்வியடைந்தனர்.

அதிபர் தேர்தலில் வெற்றிபெற்ற ஜோ பைடன், துணை அதிபர் தேர்தலில் வெற்றிபெற்ற கமலா ஹாரிஸ் ஆகியோர் பதவியேற்கும் விழா இன்று அமெரிக்க பாராளுமன்றத்தில் நடைபெற்று வருகிறது.

இந்நிலையில், அமெரிக்க துணை அதிபராக கமலா ஹாரிஸ் பதவியேற்றுக்கொண்டார். அவருக்கு பதவியேற்பு உறுதி மொழியும், கமுக்கக் காப்பு உறுதிமொழியும் அளிக்க வைக்கப்பட்டது. இதன் மூலம் அமெரிக்க வரலாற்றில் முதல் பெண் துணை அதிபர் என்ற பெருமையை கமலா ஹாரிஸ் பெற்றுள்ளார்.  

மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.