இதுவரை யாரெல்லாம் சுங்கக் கட்டணம் செலுத்தாமல் தங்கள் அடையாள அட்டையைக்காட்டி சுங்கச்சாவடியைக் கடந்து கொண்டிருந்தார்களோ அவர்கள் எல்லாம் தங்கள் வண்டிகளில் விரைவுக்கட்டு அட்டை (பாஸ்டேக்) ஒட்டத் தேவையில்லை. 29,கார்த்திகை,தமிழ்தொடர்ஆண்டு-5121: இதுவரை யாரெல்லாம் சுங்கக் கட்டணம் செலுத்தாமல், தங்கள் அடையாள அட்டையைக்காட்டி சுங்கச்சாவடியைக் கடந்து கொண்டிருந்தார்களோ, அவர்கள் எல்லாம் தங்கள் வண்டிகளில் விரைவுக்கட்டு அட்டை (பாஸ்டேக்) ஒட்டத் தேவையில்லை. விரைவுக்கட்டு அட்டை (பாஸ்டேக்) ஒட்டினால் எண்ணிம முறையில் இருந்து பணம் தானகப் பிடுங்கப்பட்டு விடுமே. அதனால் இதுவரை அந்தத் தகுதிக்கானவர்கள் தங்கள் வண்டியில் விரைவுக்கட்டு அட்டை (பாஸ்டேக்) ஒட்ட வேண்டாம். ஒன்றிய நெடுஞ்சாலைகள் மற்றும் மாநில நெடுஞ்சாலைகளில் வாகன ஓட்டிகள் சாலைகளை பயன்படுத்துவதற்காக சுங்க கட்டணம் வசூலிக்கப்படுகிறது. இதற்காக குறிப்பிட்ட தூர இடைவெளிகளில் சுங்கச் சாவடிகள் அமைக்கப்பட்டுள்ளன. எனினும், சுங்கச் சாவடிகளில் கட்டணம் செலுத்துவதில் இருந்து பலருக்கு விலக்கு அளிக்கப்படும் நடைமுறை இருந்து வருகிறது. குடியரசுத்தலைவர், துணைக்குடியரசுத்தலைவர், தலைமைஅமைச்சர், மாநில ஆளுநர்கள், தலைமை அறங்கூற்றுவர்கள், மக்களவைத் தலைவர், ஒன்றிய அமைச்சர்கள், மாநில முதல்வர்கள், உச்ச அறங்கூற்றுமன்ற அறங்கூற்றுவர்கள், மாநில அமைச்சர்கள், துணை நிலை ஆளுநர்கள், முப்படை தளபதிகள், சட்டப்பேரவை தலைவர், உயர் அறங்கூற்றுமன்ற தலைமை அறங்கூற்றுவர்கள் மற்றும் அறங்கூற்றுவர்கள், நாடாளுமன்ற உறுப்பினர்கள் ஆகியோருக்கு விலக்கு அளிக்கப்பட்டுள்ளது. மேலும், ராணுவ கமாண்டர், தலைமைச் செயலாளர்கள் (அந்தந்த மாநில எல்கைக்குள் மட்டும்), ஒன்றியத் துறைச் செயலாளர்கள், மக்களவை, சட்டமன்றச் செயலாளர்கள், இந்தியாவுக்கு வருகை தரும் வெளிநாட்டு தலைவர்கள். சட்டமன்ற மேலவை மற்றும் சட்டப்பேரவை உறுப்பினர்கள் (அந்தந்த மாநில எல்கைக்குள் மட்டும்), பரம் வீர் சக்ரா, அசோக் சக்ரா, மஹா வீர் சக்ரா, கீர்தி சக்ரா, வீர் சக்ரா விருது வென்றவர்கள் ஆகியோர் அடையாள அட்டையை காட்டிச் செல்லலாம். பாரா மிலிட்டரி படைகள், தீயணைப்பு மற்றும் சடுதிவண்டிகள், நெடுஞ்சாலைகள் ஆணைய பணி வாகனம், சடலங்களை எடுத்துச் செல்லும் வண்டிகள் ஆகியவற்றுக்கு விலக்கு உள்ளது. மேலும், மாற்றுத்திறனாளிகள் தங்களது வசதிக்கேற்ப வடிவமைக்கப்பட்ட வாகனங்களுக்கும் கட்டண விலக்கு உள்ளது. -தமிழர்க்குத் தொடர்ஆண்டு மட்டுமல்ல, தொடர் நாள் கணக்கும் உண்டு. இன்று தமிழ்த் தொடர்நாள் எண்:18,70,367.
மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.
