இந்தியாவில், நடப்பு ஆண்டில், கூகுள் தேடலில், என்னவெல்லாம் அதிகம் தேடப்பட்டது என்கிற முதல் பத்து குறித்த தகவலை கூகுள் வெளியிட்டிருக்கிறது. அவைகள் என்னென்ன?

26,கார்த்திகை,தமிழ்தொடர்ஆண்டு-5121: தமிழக மருத்துவ மாணவர்களின் கனவை சிதைக்கவும், தமிழக மருத்துவக் கல்லூரிகளை வடஇந்தியர்கள் ஆக்கிரமிக்கவும், தமிழக கல்வி உரிமை பறிபோகவுமாக- இந்திய பாஜக அரசின் ஏராளமான குளறுபடிகளோடு நடத்தப்பட்ட நீட் தேர்வு குறித்து அதிகம் தேடப்பட்டிருந்தது கூகுளில்- நடப்பு ஆண்டில். 

சொந்த வீடு இல்லாதவர்கள் இல்லை என்கிற சிறப்பு பெற்றிருந்த மாநிலம் ஜம்மு காஷ்மிர். இந்தியா விடுதலை பெற்றிருந்த நாளில் இருந்து ஜம்;மு காஷ்மீர் அனுபவித்து வந்த- ஜம்மு காஷ்மீருக்கு சிறப்பு தகுதி வழங்கக் கூடிய இந்திய அரசியல் சாசனத்தின் சட்டப்பிரிவு 370 இந்திய பாஜக  அரசால் நீக்கப்பட்டது. இதையடுத்து ஜம்மு காஷ்மீரில் இணையதள சேவைகள் முடக்கப்பட்டன. பல தலைவர்கள் வீட்டுக் காவலில் வைக்கப்பட்டனர். இதுதொடர்பாக அதிகம் பேர் தேடி படித்துள்ளனர்.

இந்தியாவில் மட்டைப்பந்து என்பது தாய்மொழி போல ஒரு உணர்ச்சிமிக்க தலைப்பாகப் பார்க்கப்படுகிறது. எனவேதான் மட்டைப்பந்து உலக கோப்பை தொடர்பாக இந்திய நாடாளுமன்றத் தேர்தலைவிடவும் அதிகமானோர் கூகுளில் தேடி உள்ளனர். இந்த ஆண்டு நடைபெற்ற ஐசிசி உலகக்கோப்பை மட்டைப்பந்தில், இந்திய அணி இறுதிப் போட்டிக்கு முன்னேற முடியவில்லை என்ற போதிலும் கூட, கூகுளில் அது தான் முதலிடம் பிடித்துள்ளது. அணிகளின் புள்ளிகளைத், தெரிந்து கொள்ளவும், மட்டைப்பந்து அட்டவணை குறித்து அறிந்து கொள்ளவும், மட்டைப்பந்து தொடர்பான பேட்டிகளை படிக்கவும் அதிக ஆர்வம் காட்டியுள்ளனர். 

நாடளுமன்றத் தேர்தல் கூகுள் தேடுதலில் மட்டைப் பந்துக்கு அடுத்த இடம் பிடித்துள்ளது. நரேந்திர மோடி தலைமையிலான பாஜக கூட்டணி அரசு வெற்றி பெற்று மீண்டும் ஆட்சியை பிடித்தது. ஏழு கட்ட தேர்தலாக இது நடைபெற்றது. 

சந்திரயான் 2 கூகுளில் அதிகம் பேர் தேடியவர்கள் பட்டியலில் மூன்றாவது இடம் பிடித்துள்ளது. விக்ரம் லேண்டர் மூலமாக நிலவை ஆய்வு செய்வதற்கு அனுப்பப்பட்டது சந்திரயான்-2. ஆனால் இந்த திட்டம் பாதிதான் வெற்றிபெற்றது என்றும், வெற்றி பெறவில்லை என்றும் இருவேறு கருத்துக்கு இடமானது. விக்ரம் லேண்டர் செயல்படவில்லை. எனவே இது தொடர்பான உடனடிகளுக்காக கூகுளில் அவ்வப்போது தேடியுள்ளனர்.

அர்ஜுன் ரெட்டி என்ற தெலுங்கு திரைப்படத்தின் மறுபதிப்பான- கபீர்சிங் என்ற ஹிந்தி திரைப்படம் இந்த பட்டியலில் நான்காவது இடத்தை பிடித்துள்ளது. இந்தத் திரைப்படம் பல்வேறு சர்ச்சைகளுக்கு உள்ளானது. விமர்சனத்திற்கு உள்ளான திரைப்படம் என்பதால் இது தொடர்பான தகவல்களுக்காக அதிகம் பேர்கள் தேடி உள்ளனர். 

அயர்ன்மேனுக்கு என்ன ஆனது என்பது பலரது மனதில் இருந்து கேள்வி. உலகளாவிய அளவில் அதிகம் வசூலித்த திரைப்படங்களில் ஒன்றாக அவென்ஜர் எண்ட்கேம் மாறியது. இந்தியாவின் இணையதளத்திலும் இதற்கு ஏகப்பட்ட ரசிகர்கள் இருந்துள்ளனர் என்பது கூகுள் தேடுதலில் இருந்து தெளிவாகிறது. 

ஜோக்கர் மற்றொரு திரைப்படம் இந்த பட்டியலில் இடம்பிடித்துள்ளது. இதுவும் ஐரோப்பிய் திரைப்படந்தான். ஒரு பில்லியன் டாலர் மதிப்புக்கு வசூல் செய்துள்ளது இந்தத் திரைப்படம். 

அதித கதைத்தலைவி படமான கேப்டன் மார்வெல் படம் அதிகம் தேடப்பட்டிருந்தது. இந்தியாவில் சுமார் 70 கோடிக்கும் மேல் இந்த திரைப்படம் வசூல் செய்து இருந்தது. 

ஆண்டுக்கு 6 ஆயிரம் ரூபாய் உழவர்களுக்கு உதவி தொகையாக வழங்கப்படும் திட்டம் தொடர்பாகவும் அதிகம் கூகுளில் தேடியுள்ளனர்.

-தமிழர்க்குத் தொடர்ஆண்டு மட்டுமல்ல, தொடர் நாள் கணக்கும் உண்டு. இன்று தமிழ்த் தொடர்நாள் எண்:18,70,364.

மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.