31,ஆவணி,தமிழ்தொடர்ஆண்டு-5120: பதினெட்டு நாட்களுக்கு முன்பு முதல் முறையாக விற்பனைக்கு வந்த போகோஎப்1 சியோமி மிடுக்குப்பேசி வெறும் ஐந்தே நிமிடங்களில் 200 கோடி ரூபாய்க்கும் மேல் வசூல் செய்து சாதனைப் படைத்ததாக கீச்;சுவில் அதிகாரபூர்வமாக தகவல் வெளியானது.

ஐந்து நிமிடத்தில் 200 கோடி அள்ளிய அந்த மிடுக்குப் பேசியில் ஹெச்டி தரத்தில் காணொளி வராதாம். ரூபாய் முப்பதாயிரம் தரத்திலான மிடுக்குப் பேசியின் விலை ரூ இருபத்;தி ஓராயிரம். என்பதால் இந்தக் குறைபாடு என்று ஏற்றுக் கொள்வதா? இல்லை ஏமாற்றப் பட்டு விட்டதாக உணர்வதா? அவசரமாக, சியோமிக்கு இருக்கும் நடப்பு சந்தை புகழை நம்பி போகோஎப்1 மிடுக்குப் பேசி வாங்கி விட்டவர்களின் மனநிலை இது.

இப்படி மேல்மட்ட வேகத்தில் போய்க்கொண்டிருந்த போகோவை ஒரு செய்தி குறுக்கே வந்து அதன் வேகத்தைக் குறைத்திருக்கிறது. அந்தச் செய்தி வெளியான பிறகு போகோ மிடுக்குப்பேசியைக் கையில் வைத்திருப்பவர்கள் மட்டுமின்றி அதை வாங்கலாம் என நினைத்திருந்தவர்களும் குழம்பிப்போயிருக்கிறார்கள்.

அமேசான் ப்ரைம், நெட்பிளிக்ஸ் ஹாட்ஸ்டார் போன்ற செயலிகளில் எச்டி தரத்தில் காணொளிகளைப் பார்க்க முடியவில்லை என்பதுதான் போகோ மிடுக்குப்பேசி மீது வைக்கப்பட்டிருக்கும் குற்றச்சாட்டு. இந்தத் தகவல் வெளியானவுடன் அது போகோவைவிட வேகமாக இணையத்தில் பரவிக்கொண்டிருக்கிறது. 

வைட்வைன் என்கிற ஓர் அனுமதி இந்த மிடுக்குப் பேசியில் அமைக்க மறந்ததுதான் இந்த மிடுக்குப் பேசிக்கான குறை. இந்த வைட்வைன்  கூகுள் நிறுவனத்துக்குச் சொந்தமானது என்பதால் குரோம் தேடுபொறியிலும், ஆண்ட்ராய்டு இயங்குதளங்களைப் பயன்படுத்தும் சாதனங்களிலும் உபயோகப்படுத்தப்படுகிறது. தவிர இந்தச் சேவையை கூகுள் இலவசமாகவே தருகிறது. அப்படி இருக்கும்போது எதனால் சியோமி நிறுவனம் போகோ மிடுக்குப்பேசியில் இதைப் பயன்படுத்துவதற்கு மறந்தது என்பதுதான் தெரியவில்லை.

பொதுவாக வைட்வைனில் எல்1, எல்2, மற்றும் எல்3 என மூன்று பதிப்புகள் இருக்கின்றன. ஒரு மிடுக்குப்பேசியில் அமேசான் ப்ரைம், நெட்பிளிக்ஸ் போன்ற செயலிகளில் அல்லது அதற்கு மேற்பட்ட தரத்தில் காணொளிகளைப் பார்ப்பதற்கு எல்1 அனுமதி இருப்பது அவசியம். போகோ மிடுக்குப்;;;பேசியில் இருப்பது வைட்வைன் எல்3 என்பதால் எச்டி தரத்தில் காணொளிகளைப் பார்க்க முடியாது. அது மட்டுமின்றி சில தரமுயர்ந்த விளையாட்டுகளை தரவேற்றம் செய்வதில் சிக்கல் இருக்கலாம். இது பெரிய அளவில் பாதிப்பை ஏற்படுத்தப் போவதில்லை என்றாலும் கூட மிடுக்குப்பேசியை வாங்குவதற்குச் சிலருக்குத் தயக்கத்தை ஏற்படுத்தக்கூடும். தவிர இப்பொழுது இந்தியாவில் அமேசான் ப்ரைம், நெட்பிளிக்ஸ் போன்றவை பிரபலமாகி வருகின்றன, மிடுக்குப்பேசியில் அதைப் பலரும் கணிசமான அளவில் பயன்படுத்தி வருகிறார்கள்.  விலை அதிகமாகக் கொடுத்து வாங்கும்போது இந்தச் சிறிய சிக்கல் இருப்பதைக் கூட யாரும் விரும்ப மாட்டார்கள்.

பொதுவாக மிடுக்குப்பேசிகளில் இருக்கும் சிறிய பிழைகளை தரவேற்றம் மூலமாகச் சரி செய்து விடுவார்கள். ஆனால், வைட்வைன் சிக்கலை அப்படிச் சரி செய்ய முடியாது.  ஒன்பிளஸ் 5 மற்றும் ஒன்பிளஸ் 5டி மிடுக்குப்பேசிகளில் இந்தச் சிக்கல் ஏற்பட்டது. அவற்றிலும் போகோவுக்கு ஏற்பட்டிருக்கும் அதே சிக்கல்தான். ஆனால், இதை தரவேற்றம் மூலமாகச் சரி செய்ய முடியாது என்பதால் மிடுக்குப்பேசிகளை வாடிக்கையாளர்களிடம் இருந்து திரும்பிப் பெற்று பிரச்னையைச் சரி செய்தது ஒன்பிளஸ் நிறுவனம். அதன் பிறகு வெளியான மிடுக்குப்பேசிகளில் இந்தச் சிக்கல் ஏற்படாதவாறு பார்த்துக்கொண்டது. 

ஆனால் இது தொடர்பாக தற்பொழுது வரைக்கும் எந்தத் தகவலையும் தெரிவிக்கவில்லை சியோமி நிறுவனம். ஒரு வேளை இந்தச் சிக்கலை எப்படி தீர்ப்பது என்பதைப் பற்றி முடிவெடுத்த பின்னர் இது தொடர்பான அறிவிப்பை வெளியிடக்கூடும். பெரும்பாலும் இதில் ஒன்பிளஸ் பாணியையே சியோமியும் பின்பற்றும் என எதிர்பார்க்கலாம்.

இந்தத் தகவலை கேள்விப்பட்டவுடன் அனைவருக்குமே இந்த மிடுக்குப்பேசியை வாங்கலாமா? வேண்டாமா? என்ற கேள்வி தோன்றுவது இயல்புதான். வைட்வைனில் இருக்கும் இந்தச் சிக்கலால் பேசியின் இயக்கம் சார்ந்து எந்தப் பிரச்னையும் ஏற்படாது. ஆனால் அமேசான் ப்ரைம், நெட்பிளிக்ஸ், ஹாட்ஸ்டார் போன்ற சில செயலிகள் தரத்தில் மட்டும் காணொளிகள் பார்ப்பதில் பிரச்னை வரக்கூடும். மற்றபடி சேமித்து வைக்கப்பட்ட காணொளிகளுக்கோ, வலையொளி போன்றவற்றிற்கோ வைட்வின் அவசியமில்லை என்பதால், அவற்றில் அதற்கு மேற்பட்ட தரத்தில் காணெளிகளைப் பார்க்க முடியும். அமேசான் ப்ரைம், நெட்பிளிக்ஸ், ஹாட்ஸ்டார் போன்றவற்றை சாதாரண தரத்தில் பார்ப்பேன் என்பவர்கள் தாராளமாக போகோ வாங்கலாம். ஆனால், இவற்றையெல்லாம் எச்டி தரத்தில் மட்டும்தான் பார்ப்பேன் என்பவர்கள் இந்தச் சிக்கலை சியோமி எப்படித் தீர்க்கப்போகிறது என்பதைப் பார்த்து விட்டு வாங்கலாம்.

-தமிழர்க்குத் தொடர்ஆண்டு மட்டுமல்ல தொடர் நாள் கணக்கும் உண்டு. இன்று தமிழ்தொடர்நாள் எண்: 18,69,912.

மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.