26,ஆடி,தமிழ்தொடர்ஆண்டு-5120: தமிழ், தெலுங்கு என இரு மொழிகளிலும் முன்னணி கதைத் தலைவியாக வலம் வரும் சமந்தா, அடுத்ததாக ஒரு கொரிய படத்தின் தழுவலாக உருவாகும் படத்தில் என்பது அகவை பாட்டியாக நடிப்பதாக தகவல் வெளியாகி இருக்கிறது. சமந்தா திருமணத்துக்கு பின்பும் முன்னணி நடிகையாக வலம் வருகிறார். அவரது நடிப்பில் இந்த ஆண்டில் முதல் பாதியில் வெளியான ரங்கஸ்தலம், நடிகையர் திலகம், இரும்புத்திரை உள்ளிட்ட படங்கள் நல்ல வரவேற்பை பெற்றன. அடுத்ததாக சமந்தா நடிப்பில் சீமராஜா, யு டர்ன் ஆகிய இரு படங்களும் வருகிற சனிக்கிழமை வெளியாக இருப்பதாக அறிவிக்கப்பட்டுள்ளது. இந்த இரு படங்களுக்கு பிறகு, அடுத்ததாக விஜய் சேதுபதியுடன் சூப்பர் டீலக்ஸ் படத்திலும், கணவர் நாகசைதன்யாவுடன் இணைந்து ஒரு படத்திலும் நடிக்கிறார். அதற்கு அடுத்ததாக கொரிய படத்தின் தழுவலாக ஒரு படத்தில் நடிக்க ஒப்புக் கொண்டுள்ளதாக தகவல் வருகிறது. இந்த படத்தில் சமந்தா எண்பது அகவை பாட்டியாக நடிக்க இருக்கிறாராம். இதுகுறித்த அதிகாரபூர்வ அறிவிப்பு விரைவில் வர இருப்பதாக கூறப்படுகிறது. -தமிழர்க்குத் தொடர்ஆண்டு மட்டுமல்ல தொடர் நாள் கணக்கும் உண்டு. இன்று தமிழ்தொடர்நாள் எண்: 18,69,876.
மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.
