கொரோனா நுண்ணுயிரி வுகானில் தோன்றியதன் உண்மை ஒரு மர்மமாகவே உள்ளது. கொரோனா நுண்ணுயிரியைக் கட்டுப்படுத்துவதில் சீனா முன்னணியில் இருப்பதாக நம்பியே பல நாடுகள் சீனாவிடம் உதவி கோருகின்றன. சீனாவை நம்பலாமா! நிறைய கேள்விகள்.

22,பங்குனி,தமிழ்தொடர்ஆண்டு-5121: கொரோனா நுண்ணுயிரி சீனாவின் வுகானில் தோன்றிது. அது அங்குள்ள பலருக்கு மிக வேகமாக பரவியது. ஒரு மாதத்தில், பாதிக்கப்பட்டவர்களின் எண்ணிக்கை 80,000 ஐ எட்டியிருந்தது. அது மற்ற நாடுகளுக்கு வேகமாக பரவியது.

இதுவரை 83,269 பேர் பாதிக்கப்பட்டுள்ளதாக சீனா கூறுகிறது, அவர்களில் 76,745 பேர் குணமடைந்துள்ளனர். அதாவது அவர்களில் 90 விழுக்காட்டினர் குணமாக்கப் படுகின்றனர். தொடக்கத்தில் இந்த தகவல் மற்ற நாடுகளுக்கு மிகுந்த நம்பிக்கையை அளித்தது. 

ஆனால் கொரோனா நுண்ணுயிரி வுகானில் தோன்றியதன் உண்மை ஒரு மர்மமாகவே உள்ளது. கொரோனா நுண்ணுயிரியைக் கட்டுப்படுத்துவதில் சீனா முன்னணியில் இருப்பதாக நம்பி பல நாடுகள் சீனாவிடம் உதவி கோருகின்றன.

கொரோனா நுண்ணுயிரி ஐரோப்பிய நாடுகளில் வேகமாகப் பரவும்போது, சீனாவைப் போலவே அவை ஒரு நாள் நிறுத்தப்படும் என்று கருதப்பட்டது. ஆனால் உலகளவில் கொரோனா தொற்று இறப்புகளின் எண்ணிக்கை அதிகரித்துள்ளது, குறைக்கப்படவில்லை. குணப்படுத்துபவர்களின் எண்ணிக்கையும் குறைவாக இருந்து வருகிறது.

இந்தச் சிக்கலில் சரியான பாதையில் செல்வதாகவும், தொற்றுநோயைக் கட்டுப்படுத்துவதாகவும் கருதப்படும் சில நாடுகள், சீனாவிடம் உதவி கேட்கின்றன. மருத்துவர்களையும் உபகரணங்களையும் வழங்குவதன் மூலம் சீனா பல நாடுகளுக்கு உதவுகிறது.

ஆனால் சீனாவில் கொரோனா நுண்ணுயிரி கிட்டத்தட்ட இறந்துவிட்டது என்பது உண்மையா? அல்லது வூகானுக்கு அப்பால் கொரோனா நுண்ணுயிரி பரவவில்லை என்றாலும் 76,745 பேர்கள் குணப்படுத்தப்பட்டுள்ளார்களா? இந்த கேள்விகளுக்கு சீன அரசாங்கமும் சீன ஊடகங்களும் உறுதியாக பதிலளிக்கவில்லை.

சீன வழக்கறிஞர் சென் கிஷி கடந்த இரண்டு மாதங்களாக காணவில்லை, வுகானில் உண்மையில் என்ன நடக்கிறது என்பதை வெளி உலகிற்கு தெரிவித்தார். இதேபோல், முன்னாள் பல்கலைக்கழக விரிவுரையாளர் சூ சியாங் மற்றும் பெரிய தொழிலதிபர் ரென் சிகியாங் ஆகியோரும் காணவில்லை.

சீனாவின் அடக்குமுறை என்பது உலகிற்குத் தெரிந்த ஒன்று. கொரோனா நுண்ணுயிரி பற்றிய செய்திகளைப் பெறச் சென்ற உலகெங்கிலும் உள்ள அனைத்து இதழியலாளர்களும் தலைநகரான பெய்ஜிங்கில் உள்ளனர். சீன அரசு பெய்ஜிங்கை விட்டு வெளியேறாமல் பார்த்துக் கொண்டிருக்கிறது, அவர்கள் கொரோனா நுண்ணுயிரியால் பாதிக்கப்படலாம் என்று கூறப்பட்டு தடுக்கப் பட்டிருக்கின்றனர்.

சீனாவிலிருந்து வரும் தகவல்கள் மட்டுமே வெளி உலகிற்குத் தெரிந்திருப்பதால், சீனா கொரோனா நுண்ணுயிரியை வென்றது என்றும், மற்ற நாடுகள் உதவி கேட்கலாம் அல்லது சீனாவின் வழிமுறை உதவும் என்று கருதுவது நியாயமா?

இத்தாலி மற்றும் ஸ்பெயினில், சடலங்களைக் கையாள்வது கடினமாக உள்ளது. கடந்த மாதம் வுகானிலும் இதேபோன்ற நிலை ஏற்பட்டிருக்கலாம். இருப்பினும், எதிர்பாராத ஐரோப்பிய நாடுகள் இது நடக்கும் என்று கவலைப்படுகின்றன. சீனா ஏற்கனவே உண்மையை கூறியிருந்தால், மற்ற நாடுகள் எப்போதும் விழிப்புடன் இருக்கும்.

கொரோனா நுண்ணுயிரியை சீனா உலகின் வல்லரசாக மாற்றுகிறது என்ற கூற்றை நாம் விலக்க முடியாது. கொரோனா நுண்ணுயிரி வுகானைத் தவிர வேறு இடங்களுக்கு பரவுவதை சீனா உண்மையில் தடுக்கக்கூடும். ஆனால் வுகானில் உண்மையில் என்ன நடந்தது என்று கூறாதவரை சீனாவை நம்புவது உலகின் பிற பகுதிகளுக்கு ஆபத்து என்பதாக கருத இடம் இருக்கிறது. ஆகவே நாம் நம்மிலிருந்து கொரோனா பாதிப்பை எதிர்கொள்வது ஏமாற்றமளிக்காத முழுமையாக அமைய முடியும். நம்மோடு கொரோனா சிக்கலில் மாட்டிக் கொண்ட மற்ற நாடுகளின் அனுவங்களை நம்புவதற்கு மேலாக சீனாவை நம்புவதில் கொஞ்சம் சிக்கல் இருப்பதாகவே தோன்றுகிறது. 

மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.