பன்முக அடையாளங் கொண்ட அமெரிக்காவில், ஒபாமாவா கருப்பினம், டிரம்பா வெள்ளையினம் என்று அடையாளம் பேணப்பட்டே வருகிறது. துணை அதிபராகத் தேர்வாகியிருக்கிற கமலா ஹாரிசை- கருப்பினப் பெண், மரபு வழியில் இந்திய எச்சம், தமிழகப் பெண் ஆனாலும் பார்ப்பனியப் பெண் என்னும் பன்முக அடையாளத்தை- துணை அதிபர் அளவிற்கு உயர்த்தியிருக்கிற அமெரிக்காவின் பன்முக அடையாள வெற்றிக்கு என்ன சாதிப்பார்? ஆர்வம் பேசுபொருளாகியிருக்கிறது. 23,ஐப்பசி,தமிழ்த்தொடராண்டு-5122: அமெரிக்காவில் அதிபராவதற்கு தகுதி பெற்றுள்ள ஜோ பைடனின் அரசில் துணை அதிபராகும் தகுதியைப் பெற்றிருக்கிறார் கமலா ஹாரிஸ். இதன் மூலம் அமெரிக்க துணை அதிபர் பதவிக்கு தேர்வான முதல் கருப்பின மற்றும் முதல் ஆசிய அமெரிக்க பெண்ணாகிறார் தமிழகத்தை பூர்வீகமாக கொண்ட ஆனாலும் பார்ப்பனிய குடும்பத்தில் பிறந்த கமலா ஹாரிஸ். முன்னதாக ஜனநாயக கட்சி சார்பில் அதிபர் வேட்பாளராக அறிவிக்கப்படுவதற்கான உள்கட்சி போட்டியில் கடுமையாக ஈடுபட்டு தோற்றவர் கமலா. இதையொட்டி கமலா ஹாரிசுக்கும் குடியரசு கட்சி துணை அதிபர் வேட்பாளர் மைக் பென்சுக்கும் கடந்த மாதம் விவாதம் நடைபெற்றது. இதற்கு முன்பு இரண்டு முறை மட்டுமே பெண்கள், துணை அதிபர் பதவிக்கு போட்டியிட்டுள்ளனர்;. ஒரு குறிஞ்சி பருவத்திற்கு முன்பு (பனிரெண்டு ஆண்டுகளுக்கு) குடியரசுக் கட்சியின் சார்பாக சாரா பாலினும், மூன்று குறிஞ்சி பருவத்திற்கு முன்பு (முப்பத்தியாறு ஆண்டுகளுக்கு முன்பு) ஜனநாயகக் கட்சியை சேர்ந்த ஜெரால்டின் பெரொரோவும் போட்டியிட்டுள்ளனர். ஆனால் இவர்கள் வெற்றி பெறவில்லை. அப்படியானால் இந்தக் கமலா ஹாரிஸ் துணை அதிபருக்கான குறிஞ்சி மலர் தேர்வு. அமெரிக்காவின் இரு முக்கிய கட்சிகளான குடியரசு கட்சி மற்றும் ஜனநாயக கட்சி இரண்டுமே அதிபர் வேட்பாளராக கருப்பின பெண்ணை நிறுத்தியதில்லை. கமலா ஹாரிசுக்கு 55 அகவை ஆகிறது. கமலா ஹாரிஸின் தாய் இந்தியாவைச் சேர்ந்தவர், தந்தை ஜமைக்காவை சேர்ந்தவர். கமலா ஹாரிஸின் தாய் தமிழகத்தைச் சேர்ந்தவர். ஆனாலும் பார்ப்பனியப் பெண். அவரது உறவினர்கள் சென்னையில் வசிக்கிறார்கள். இவர்களின் பூர்விகம் தமிழ்நாட்டின் திருவாரூரில் உள்ள துளசேந்திரபுரம். கமலாவின் பெற்றோர் மணவிலக்கு பெற்றப்பின், அவரின் தாய் சியாமலா கோபாலனால் வளர்க்கப்பட்டார் கமலா ஹாரிஸ். கமலாவின் தாயார் புற்றுநோய் குறித்த ஆராய்ச்சியாளர் மற்றும் சீரியல் (சிவில்) உரிமை ஆர்வலர். கமலாவின் தாயார் இந்தியாவிற்கு செல்லும்போதெல்லாம் அவருடன் இந்தியாவிற்கு பயணம் செய்துள்ளார் கமலா. மேலும் தனது தமிழகப் பார்ப்பனிய கலாசாரத்துடன் இணைந்தே வளர்ந்தார் கமலா என்று சொல்லப்படுகிறது. இருப்பினும் தனது தாய் ஒக்லாந்தின் கருப்பின கலாசாரத்திற்கு தன்னை மாற்றிக் கொண்டார் என்றும், தனது இரு மகள்களையும் அவ்வாறே வளர்த்தார் என்றும் கமலா தெரிவித்துள்ளார். எனது தாய் இரு கருப்பின மகள்களை வளர்க்கிறோம் என்று புரிந்துகொண்டே எங்களை வளர்த்தார். என தனது தன்வரலாற்று நூலான ‘ஹதி ட்ரூத்ஸ் வி ஹோல்ட்’ புத்தகத்தில் கமலா குறிப்பிட்டுள்ளார். நாங்கள் வாழச் சென்ற இடம் என்னையும் எனது சகோதரியையும் கருப்பின பெண்களாகதான் பார்க்கும் எனவே நாங்கள் தன்னம்பிக்கைக் கொண்ட கருப்பின பெண்களாக வளர்க்கப்பட வேண்டும் என்பதில் எனது தாய் உறுதியாக இருந்தார், என கமலா குறிப்பிட்டிருந்தார். ஜனநாயகக் கட்சிக்குள் நடந்த அதிபர் வேட்பாளர் போட்டியில் தோல்வி அடைந்தார். ஆனாலும் தற்போது துணை அதிபர் வேட்பாளராக அறிவிக்கப்பட்டு, வெற்றி பெற்றுள்ளார் கமலா ஹாரிஸ். கமலா ஹாரிஸ் ஹாவார்ட் பல்கலைக்கழகத்தில் பயின்றவர். பல்கலைக்கழக வாழ்க்கை தனது வாழ்க்கையை செதுக்குவதில் பெரிதும் உறுதுணையாக இருந்தது என ஹாரிஸ் குறிப்பிடுவார். தனது அடையாளம் குறித்து தனக்கு எந்த ஒரு நெருக்கடியும் இதுவரை ஏற்படவில்லை என்றும், எளிமையாக சொல்லவேண்டுமானால் நான் ஒரு அமெரிக்கர் என்றும் கமலா ஹாரிஸ் குறிப்பிடுவார். துணை அதிபர் போட்டியில் வெற்றி பெற்றுள்ள கமலா அடுத்த முறை அதிபர் போட்டியில் மீண்டும் பங்குபெறுவதற்கான வாய்ப்புகள் உண்டு. இன்றளவில் அவர் ஜனநாயகக் கட்சியில் எதிர்காலத்திற்கான ஒரு வலுவான சக்தியாக உள்ளார் என்றே பேசப்படுகிறது. நான்கு ஆண்டு ஹாவார்ட் பல்கலைக்கழக படிப்புக்கு பின் கமலா கலிபோர்னியா பல்கலைக்கழகத்தில் சட்டம் பயின்றார் அலமேடா கவுண்டியின் மாவட்ட அட்டர்னி அலுவலகத்தில் தனது பணியை தொடங்கினார். பதினேழு ஆண்டுகளுக்கு முன்பு சான் பிரான்ஸிஸ்கோ மாவட்டத்தின் அட்டர்னி ஜெனரல் ஆனார். அதன்பிறகு அதிக மக்கள் தொகை கொண்ட கலிபோர்னியாவின் அட்டர்னி ஜெனரலானார். மேலும் கலிபோர்னியாவின் முதல் பெண் மற்றும் முதல் ஆப்ரிக்க அமெரிக்க பெண் அட்டர்னி ஜெனரல் என்ற சிறப்பையும் அவர் பெற்றார். இப்படி அவர் அமெரிக்காவின் துணை அதிபர் வரை வளர்ந்திருக்கிறார்.
மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.
