பிரிட்டன் நாட்டை சேர்ந்த சண்டே டைம்ஸ் இதழ் அந்நாட்டின் பிரபல பெரும்செல்வந்தர்கள் பட்டியலை நேற்று வெளியிட்டுள்ளது. அந்தப் பட்டியலில் முதல் இடத்தில் 
இந்தியாவில் பிறந்த ஹிந்துஜா சகோதரர்களை கோடீசுவர குடும்பமாக பட்டியலிட்டுள்ளது.
 

30,சித்திரை,தமிழ்தொடர்ஆண்டு-5121: ஹிந்துஜா குழுமம்
இலண்டனைத் தலைமை இடமாக கொண்டு செயல்படும் ஒரு உலகளாவிய பல்தொழில் நிறுவனம் ஆகும்.

இந்தியா விடுதலை பெறுவதற்கு 33 ஆண்டுகளுக்கு முன்பு பரமானந்த் தீப்சந்த் ஹிந்துஜா என்பவரால் தொடங்கப்பட்டது ஹிந்துஜா குழுமம். முதலில் மும்பையை தலைமை இடமாக கொண்டு செயல்பட்ட இந்நிறுவனம், பின்னர் ஐந்து ஆண்டுகள் கழித்து ஈரானில் செயல்பட தொடங்கியது. தற்போது இலண்டனைத் தலைமையிடமாகக் கொண்டுள்ளது.  பரமானந்த ஹிந்துஜாவின் மகன்கள் ஹிந்துஜா சகோதரர்கள் என்று அழைக்கப் படுகிறார்கள். 

ஸ்ரீசந்த் ஹிந்துஜா(78) மற்றும் கோபிசந்த் ஹிந்துஜா(82) சகோதரர்கள் 22 பில்லியன் பவுண்டுகள் மதிப்புள்ள சொத்துகளுடன் பிரிட்டனில் முதல் இடத்தை கைப்பற்றியுள்ளனர்.

இவர்களின் மேலும் இரு சகோதரர்களான பிரகாஷ் ஹிந்துஜா(72) மற்றும் அசோக் ஹிந்துஜா(67) ஆகியோர் லண்டன் மற்றும் மும்பையில் உள்ள தொழில் நிறுவனங்களை நிர்வகித்து வருகின்றனர்.

பெட்ரோலிய உற்பத்தி, எரிவாயு, தகவல் தொடர்புத்துறை, ஊடகங்கள், வங்கிதுறை, ரியல் எஸ்டேட் மற்றும் மருந்து உற்பத்தி துறைகளில் ஹிந்துஜா குமுமம் முதலீடு செய்து தொழில் நடத்தி வருகிறது.

இந்தியாவில் இவர்களுக்கு சொந்தமாக உள்ள அசோக் லேலண்ட் வாகன உற்பத்தி நிறுவனம் மற்றும் இன்டஸ்இன்ட் வங்கியின் பங்குகள் சமீபகாலமாக நல்ல வளர்ச்சியுடன் கைமாறி வருவது குறிப்பிடத்தக்கது.

ஆண்டு வருமானம், நிலங்கள் உள்ளிட்ட சொத்துகளின் மதிப்பு, இதர நிறுவனங்களின் பங்கு பத்திரங்களின் கையிருப்பு ஆகியவற்றின் அடிப்படையில் பிரிட்டன் நாட்டில் உள்ள ஆயிரம் செல்வந்தர்களை இந்த இதழ் ஆண்டுதோறும் பட்டியலிட்டு வருகிறது.

இவர்களுக்கு அடுத்தபடியாக கம்பளம் மட்டும் உலோக விற்பனையில் கொடிகட்டி பறக்கும் டேவிட் ரெயூபென் - சைமன் ரெயூபென் சகோதரர்கள் சுமார் 18.664 பில்லியன் மதிப்புள்ள சொத்துகளுடன் இரண்டாம் இடத்தில் உள்ளனர்.

கடந்த ஆண்டுக்கான இதே பட்டியலில் 21.05 பில்லியன் பவுண்டுகள் மதிப்புள்ள சொத்து மதிப்புடன் முதலிடத்தை பிடித்திருந்த பிரபல வேதியியல் தொழிலதிபர் ஜிம் ராட்கிளிப் தற்போது மூன்றாவது இடத்தில் பின்தங்கியுள்ளார். 

உலகில் உற்பத்தியாகும் 4 கார்களில் ஒன்றுக்கு தேவையான இரும்பை விநியோகம் செய்யும் பிரபல தொழிலதிபர் இலட்சுமி மிட்டல்(67) கடந்த ஆண்டு இந்த பட்டியலில் நான்காவது இடத்தை பிடித்திருந்தார். இந்த ஆண்டு 14.66 பில்லியன் பவுண்டுகள் சொத்து மதிப்புடன் ஐந்தாவது இடத்தில் இவர் பின்தங்கியுள்ளார்.

-தமிழர்க்குத் தொடர்ஆண்டு மட்டுமல்ல தொடர் நாள் கணக்கும் உண்டு. இன்று தமிழ்த் தொடர்நாள் எண்:18,70,151.

மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.