ஞாயிற்றை விட 1000 மடங்கு பெரிய விண்மீனுக்கு பெட்டல்ஜியூஸ் என்று பெயரிட்டு அழைக்கிறார்கள். வானத்தில் ஓரியன் விண்மீன் கூட்டத்தின் ஒரு பகுதியாக இருக்கும் சிவப்பு நிற விண்மீனான பெட்டல்ஜியூஸ், சூப்பர்நோவாவுக்கு முந்தைய கட்டத்திற்குள் நுழைந்து உள்ளதாம். அதாவது வெடிக்கப் போகிறதாம். 04,மாசி,தமிழ்தொடர்ஆண்டு-5121: பூவியிலிருந்து 642.5 ஒளி ஆண்டுகள் தொலைவில் அமைந்துள்ளது ஞாயிற்றைவிட ஆயிரம் மடங்கு பெரிய ஒரு விண்மீன். இந்த விண்மீன் வரும் வெள்ளிக்கிழமை வெடித்து சிதறும் என விண்வெளி அறிஞர்கள் கணித்திருக்கிறார்கள். அவ்வாறு இந்த விண்மீன் வெடித்தால் மனிதர்கள் கவனிக்கும் மிக நெருக்கமான விண்மீன் வெடிப்பின் மிகபெரியதான வெடிப்பாக இருக்க முடியும் என்கின்றனர். இப்படி பெரிய விண்மீன் வெடிப்பை மேற்கத்திய விண்வெளி அறிவுலகம் சூப்பர்நோவா என்று பெயரிட்டு கொண்டாடுகிறது. சூப்பர்நோவா என்பது ஒரு விண்மீன் இறக்கும் போது ஏற்படும் ஒரு சக்திவாய்ந்த விண்மீன் வெடிப்பு ஆகும். ஞாயிற்றை விட 1000 மடங்கு பெரிய விண்மீனுக்கு பெட்டல்ஜியூஸ் என்று பெயரிட்டு அழைக்கிறார்கள். வானத்தில் ஓரியன் விண்மீன் கூட்டத்தின் ஒரு பகுதியாக இருக்கும் சிவப்பு நிற விண்மீனான பெட்டல்ஜியூஸ், சூப்பர்நோவாவுக்கு முந்தைய கட்டத்திற்குள் நுழைந்து உள்ளதாம். அதாவது வெடிக்கப் போகிறதாம். சிலியில் உள்ள செரோ பரனலில் உள்ள ஐரோப்பிய தெற்கு ஆய்வகத்தின் மிகப் பெரிய தொலைநோக்கியைப் (வி.எல்.டி) பயன்படுத்தி எடுக்கப்பட்ட கண்கவர் புதிய படங்களில் சிவப்பு விண்மீனான பெட்டல்ஜியூஸ் மங்கலாக வெளிப்படுகிறது. கடந்த சில மாதங்களாக வானில் பெட்டல்ஜியூஸ் ஒளிரும் விண்மீன்கள் பட்டியலில் 12-வது இடத்தில் இருந்து 20-வது இடத்திற்கு சென்றுள்ளது. இப்போது அதன் இயல்பான ஒளிர்வில் வெறும் 36 விழுக்காடு மட்டுமே உள்ளது.
வில்லனோவா பல்கலைக்கழக மூத்த வானியலாளரான எட்வர்ட் கினன் சேகரித்த தகவல்களின் படி, 430 நாள் துடிப்பு காலத்தின் நடுவில் பெட்டல்ஜியூஸ் இருக்கக்கூடும். அது உண்மை என்றால், அது வெள்ளிக்கிழமை அன்று வெடிப்பு நடக்கலாம் என்று தெரிகிறது. வரவிருக்கும் கிழமைகளில், வானியலாளர்கள் பெட்டல்ஜியூஸ் வெடிக்கிறதா என்று உன்னிப்பாக கவனித்து வருவார்கள்.
மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.
