மோடியின் வாரணாசி அலுவலகம் 7 கோடியே 50 லட்சத்திற்கு விற்பனை என கணினிமய விற்பனை தளமான ஒ.எல்.எக்ஸ் வலைதளத்தில் பதிவு செய்யப்பட்டிருந்ததாம். 04,மார்கழி,தமிழ்த்தொடராண்டு-5122: மோடியின் வாரணாசி அலுவலகம் 7 கோடியே 50 லட்சத்திற்கு விற்பனை என கணினிமய விற்பனை தளமான ஒ.எல்.எக்ஸ் வலைதளத்தில் பதிவு செய்யப்பட்டிருந்ததாம். மோடி உத்தரபிரதேச மாநிலம் வாரணாசி பாராளுமன்ற தொகுதியில் வெற்றிபெற்றார். மோடியின் தொகுதி அலுவலகம் வாரணாசியின் ஜவகர் நகர் பகுதியில் உள்ளது. அந்தக் கட்டிடம், 6 ஆயிரத்து 500 சதுர அடி பரப்பளவை கொண்டது. இந்நிலையில், தலைமைஅமைச்சர் மோடியின் வாரணாசி தொகுதி அலுவலக கட்டிடத்தை புகைப்படம் எடுத்த ஒரு கும்பல் அந்தப் புகைப்படத்தை கணினிமய விற்பனை தளமான ஒ.எல்.எக்ஸ் வலைதளத்தில் பதிவிட்டுள்ளனர். மேலும், இந்த கட்டிடம் விற்பனைக்கு உள்ளது எனவும் அதன் விலை 7 கோடியே 50 லட்சம் எனவும் விலை நிர்ணயம் செய்யப்பட்டுள்ளது என தெரிவிக்கப்பட்டுள்ளது. மோடியின் வாரணாசி தொகுதி அலுவலக கட்டிடம் விற்பனைக்கு என இணையத்தில் புகைப்படம் பதிவிடப்பட்டிருந்த நிகழ்வு பரபரப்பை ஏற்படுத்தியதையடுத்து உத்தரபிரதேச காவல் துறையினர் விசாரணை மேற்கொண்டனர். அந்த விசாரணையில் அலுவலக கட்டிட புகைப்படத்தை கணினிமய விற்பனை தளத்தில் பதிவேற்றம் செய்த 4 பேர் கொண்ட கும்பலை காவல் துறையினர் நேற்று கைது செய்தனர். கைது செய்யப்பட்ட ஆட்களிடம் காவல் துறையினர் தொடர்ந்து விசாரணை நடத்தி வருகின்றனர்.
மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.
