19,ஆடி,தமிழ்தொடர்ஆண்டு-5120: கேஎன்ஆர்மூவிஸ் சார்பில் திரு.ராஜா தயாரித்துள்ள படம் பொறுக்கிஸ். 'பொறுக்கிஸ்க்கு கீழே அல்ல நாங்கள்' என்ற துணைத் தலைப்போடு இடம் பெற்றுள்ளது. பிசாசு, சவரக்கத்தி படங்களில் ஒளிப்பதிவாளராக பணியாற்றிய மஞ்சுநாத், 'பொறுக்கிஸ்' படத்தின் மூலம் ஒளிப்பதிவாளர் மற்றும் இயக்குநராக மாறியுள்ளார். இப்படத்தின் இசைவெளியீட்டு விழா சாலிகிராமம் பிரசாத் லேபில் நடைபெற்றது. விழாவில் படக்குழுவினருடன் நடிகரும் முன்னாள் பாராளுமன்ற உறுப்பினருமான ஜே.கே.ரித்தீஷ், இயக்குநர் கரு.பழனியப்பன், தயாரிப்பாளர் சுரேஷ் காமாட்சி மற்றும் சமூக ஆர்வலர் பியூஸ் மனுஷ், உள்ளிட்ட பலர் கலந்துகொண்டனர். விழாவில் கலந்துகொண்ட நடிகர் ராதாரவி பேசும் போது, இந்தக் குடும்பத்தில் நானும் ஒருவன். மலேசியாவில் எனது நண்பர் ஒருவர் சொந்தப் படம் எடுக்கிறேன் எனக் கூறியபோது மஞ்சுநாத்தை அழைத்துச் சென்று ஒளிப்பதிவாளராக அறிமுகம் செய்துவைத்தேன். மற்றபடி இப்போதுவரை அவரது சுய உழைப்பு தான். மஞ்சுநாத் பார்ப்பதற்கு அமைதியாக இருந்தாலும் புரட்சிகரமான கருத்துக்களைக் கொண்டவர். இந்தப்படத்தில் பாடியுள்ள பாடகர் ஆலயமணியை எனக்கு பிடிக்கும். இன்றைக்கு யார் யாரோ பாடும்போது, முன்னணி நடிகர்கள் எல்லாம் பாடும்போது, அவர்களைவிட, ஆலயமணி நன்றாக பாடக்கூடியவர். எனக்கு பாட வராது. அதனாலேயே அவரைப் பிடிக்கும். பியூஸ் மனுஷ் இந்த விழாவில் கலந்துகொள்கிறார் என்றதுமே பயந்தேன். காரணம் அவர் எப்போதும் பிடியாணையோடு சுற்றுபவர். அவருக்கும் எப்போதுமே பொதுவுடமை எண்ணம். அதனால் நம்மையும் பிடியாணையோடு சுற்ற வைத்து விடுவாரோ என்றும், அரசியல் மேடை போல இது ஆகிவிடுமோ என்றும் பயந்தேன். காரணம் தணிக்கையில் பிரச்னையில்லாமல் தப்பிக்கவேண்டுமே என்பதுதான். இது அரசாங்கத்தை சாடுகிற படம் அல்ல. அரசாங்கத்தில் உள்ள குறைகளைப் பற்றி சொல்லும் படம் இந்த விழாவிற்கு தென்னிந்திய நடிகர் சங்கத் தலைவர் நாசரை அழைத்திருந்தேன். முதலில் வருகிறேன் எனச் சொன்னவர், பின் எதனாலோ வராமல் பின்வாங்கிவிட்டார். ஒருவேளை இங்கு வருபவர்களின் பட்டியலைப் பார்த்திருப்பாரோ என்னவோ? என்றார் நகைச்சுவையாக. -தமிழர்க்குத் தொடர்ஆண்டு மட்டுமல்ல தொடர் நாள் கணக்கும் உண்டு. இன்று தமிழ்தொடர்நாள் எண்: 18,69,869.
மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.
