மானிய எரிவாயு வழங்கல் முறை எதிர்வரும் ஞாயிற்றுக் கிழமை முதல் மாறவுள்ளதாம்.  இந்த மாற்றங்கள் அனைத்தையும் கவனமாகப் படியுங்கள், ஏனெனில் அவை உங்கள் வாழ்க்கையை நேரடியாக பாதிக்கும்.

12,ஐப்பசி,தமிழ்த்தொடராண்டு-5122: ஞாயிற்றுக் கிழமை முதல் உங்கள் மானிய எரிவாயுவைப் பொறுத்தவரை பல விதிகள் மாறப்போகின்றன. 

உங்களுக்கு எரிவாயு வழங்கி வரும் முகவரிடம் உங்கள் முகவரி மற்றும் செல்பேசி எண்ணை நீங்கள் புதுப்பிக்கவில்லை என்றால், உங்களுக்கான எரிவாயு வழங்கல் நிறுத்தப்பபடலாம். அடுத்து எரிவாயு நிறுவனத்தில் இருந்து பெறும் நுகர்வோருக்கான எரிவாயு முன்பதிவு தொடர்பு எண்ணை மாற்றியுள்ளது. இந்த மாற்றங்கள் அனைத்தையும் கவனமாகப் படியுங்கள், ஏனெனில் அவை உங்கள் வாழ்க்கையை நேரடியாக பாதிக்கும்.

1. எரிவாயுஉருளை முன்பதிவுக்குப் பிறகு, வாடிக்கையாளரின் செல்பேசி எண்ணுக்கு ஒருமுறை பயன்பாட்டு கடவுச்சொல் அனுப்பப்படும். இந்த எண்ணை எரிவாயு உருளை கொண்டு வரும் ஊழியரிடம் காட்ட வேண்டும். அந்தக் குறியீடு எண் கணினியுடன் பொருந்தினால் மட்டுமே எரிவாயுஉருளை வழங்கப்படும். ஒரு வேலை உங்களிடம் ஒருமுறை பயன்பாட்டு கடவுச்சொல் இல்லையென்றால், ஊழியர் உங்களுக்கு எரிவாயு உருளை வழங்காமல் திரும்பி எடுத்துச் செல்ல முடியும்.

2. உங்கள் பதிவு செய்யப்பட்ட மொபைல் எண்ணைப் புதுப்பிக்கவும். எரிவாயு வழங்களில் முன்னெடுக்கப்பட்டுள்ள புதிய முறையில் முகவரி மற்றும் செல்பேசி எண் புதுப்பிக்கப்படாத  வாடிக்கையாளர்களுக்கு சிரமத்தை அதிகரிக்கும். யாராவது வீட்டை மாற்றியிருந்தால் அல்லது செல்பேசி எண்ணை மாற்றியிருந்தால், தயவுசெய்து உங்கள் முகவரிடம் புதுப்பிக்கவும். முகவரி தவறாக இருந்தால் அல்லது செல்பேசி எண் புதுப்பிக்கப்படாவிட்டால் எரிவாயு வழங்கலை நிறுத்தலாம். இருப்பினும், புதுப்பித்தவுடன், மீண்டும் வழங்கல் தொடரப்படும். 

3. எரிவாயு முன்பதிவு செய்வதற்கான தொடர்பு எண் மாறிவிட்டது. எதிர்வரும் ஞாயிற்றுக் கிழமைக்குப் பிறகு பழைய எண்ணில் எரிவாயு முன்பதிவு செய்ய முடியாது. இண்டேன் எரிவாயு நிறுவனம் தனது வாடிக்கையாளர்களுக்கு பதிவுசெய்த செல்பேசி எண்ணில் எரிவாயு முன்பதிவு செய்வதற்காக புதிய எண்ணை அனுப்பியுள்ளது. இதன் மூலம், நீங்கள் எரிவாயு உருளைக்கு முன்பதிவு செய்யலாம். 

எரிவாயு முன்பதிவு செய்வதற்கு நாட்டின் பல்வேறு வட்டங்களுக்கு வெவ்வேறு செல்பேசி எண்கள் இருந்ததாக இந்தியன் ஆயில் நிறுவனம் தெரிவித்துள்ளது. இப்போது அனைத்து வட்டங்களுக்கும் ஒற்றை எண்ணை வெளியிட்டுள்ளது. இண்டேன் கேஸ் வாடிக்கையாளர்கள் நாடு முழுவதும் எரிவாயு உருளைகளுக்கு  முன்பதிவு செய்ய 7718955555 என்ற தொலைபேசி எண்ணில் மேற்கொள்ள வேண்டும். 

4. எதிர்வரும் ஞாயிற்றுக் கிழமை முதல் நாட்டின் அரசு எண்ணெய் நிறுவனங்கள் எரிவாயு உருளைகளின் விலைகள் மாற்றங்களை குறித்து அறிவிக்கும். எரிவாயு உருளையின்  விலை ஒவ்வொரு ஆங்கில மாதமும் முதல் நாளில் நிர்ணயிக்கப்படுமாம்.

மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.