வெய்யிலில் கொரோனா நுண்ணியிரி செத்துப் பொசுங்கும் என்பது மருத்துவத் துறை அறிஞர்களின் கணிப்பு. இன்னும் ஆறு மாதங்களுக்கு தமிழகத்திற்கு வெய்யிலுக்கு பஞ்சமா என்ன? எனவே தமிழகத்தில் நாம் முன்னெச்சரிக்கையாக இருந்தால், தமிழகத்தில் கெரோனா வேகமாகப் பரவமுடியாது என்பது உறுதி.

23,மாசி,தமிழ்தொடர்ஆண்டு-5121: தமிழகத்தில் சித்திரை வைகாசி இளவேனிற்காலம். ஆனி ஆடி முதுவேனிற்காலம். தமிழகத்தில் வெய்யிலின் தாக்கம் பங்குனியிலேயே தொடங்கிவிடும். பங்குனி தொடங்க இன்னும் ஒரு கிழமையே இருக்கிறது. எதற்காக இந்தப் பீடிகை யென்றால்- 

வெய்யிலில் கொரோனா நுண்ணியிரி செத்துப் பொசுங்கும் என்பது மருத்துவத் துறை அறிஞர்களின் கணிப்பு. இன்னும் ஆறு மாதங்களுக்கு தமிழகத்திற்கு வெய்யிலுக்கு பஞ்சமா என்ன? எனவே தமிழகத்தில் நாம் முன்னெச்சரிக்கையாக இருந்தால், தமிழகத்தில் கெரோனா வேகமாகப் பரவமுடியாது என்பது உறுதி. வெய்யிலின் தாக்கத்திற்கு பயந்து செயற்கை குடிப்புகள், சுவைப்புகளைத் தவிர்ப்போம். குளிரூட்டல் நடவடிக்கையில் இயற்கை வேளாண்மை பொருட்களை மட்டுமே அளவாகப் பயன்படுத்தி சளிபிடிக்காமல் பார்த்துக் கொள்வது கொரோனாவிற்கு எதிரான மிகச்சிறந்த முன்னெச்சரிக்கை நடவடிக்கையாகும்.

சீனாவை அச்சுறுத்தி வந்த கரோனா தொற்று, தற்போது உலக நாடுகள் பலவற்றை அச்சுறுத்தி வருகிறது. சீனா மட்டுமில்லாமல் தென் கொரியா, இத்தாலி மற்றும் ஈரான் ஆகிய நாடுகளும் தற்போது கொரோனா தொற்றால் அதிகளவு பாதிக்கப்பட்டுள்ளன.

30 பேருக்கு கொரோனா தொற்று இருப்பதாக நடுவண் அரசு அறிக்கை அளித்து இந்தியாவும் கொரோனாவிற்கு இலக்காகி விட்ட சோகத்தை தெரிவித்திருக்கிறது. 

சீனாவைத் தொடர்ந்து, உலக நாடுகளுக்கு கொரோனா தொற்று வேகமாக பரவிவரும் நிலையில், வடக்கு அரைக்கோளம் வெப்பமடைகையில் புதிய கொரோனா நுண்ணுயிரியால் ஏற்படும் கோவிட் -19 வெடிப்பு மங்குமா? இது சில ஆராய்ச்சியாளர்களால் பரிந்துரைக்கப்பட்டுள்ளது மற்றும் அமெரிக்க அதிபர் டொனால்ட் டிரம்ப் உட்பட சில அரசியல் தலைவர்களால் மீண்டும் மீண்டும் கூறப்பட்டுள்ளது.

ஆக்ஸ்போர்டு பல்கலைக்கழகத்தின் ட்ரூடி லாங் கூறுகையில், “எங்களுக்கு அது முற்றிலும் தெரியாது. நான் இதை நுண்ணுயிரியியல் அறிஞர்களிடம் கேட்டுக்கொண்டே இருக்கிறேன், என்று தெரிவித்தார்.

கடந்த மாதமே டிரம்ப் கூறியது இதுதான். வெப்பம், இந்த வகையான நுண்ணுயிரியைக் கொல்கிறது, என்று அவர் ஒரு கூட்டத்தில் கூறினார். அடுத்த கிழமையிலேயே வெப்பத் தாக்கம் தொடங்குவதால் அது போய்விடும் என்று நிறைய பேர் நினைக்கிறார்கள்."

இந்த வகையான கூற்றைக் கூறும் ஒரே அரசியல்வாதி டிரம்ப் அல்ல. இங்கிலாந்தின் நலங்குத்துறை செயலாளர், மாட் ஹான்காக், கடந்த கிழமை ஐடிவி நிருபர் டாம் கிளார்க்கிடம், நுண்ணுயிரி பரவுவதை வெப்பம் மெதுவாக்குவதே நம்பிக்கை, புதிய வகை கொரோனா நுண்ணுயிரிகள் குறைவாகப் பரவக்கூடியதே என்றார்.

கொரோனன மேற்பரப்பில் நான்கு நாட்கள் வரை உயிர்வாழ முடியும் என்று கருதப்படுகிறது. இங்கிலாந்தின் கிழக்கு ஆங்கிலியா பல்கலைக்கழகத்தில் பால் ஹண்டர் உட்பட சில ஆராய்ச்சியாளர்கள், புதிய கொரோனா நுண்ணயிரி வெப்பமான நிலையில் இவ்வளவு காலம் உயிர்வாழ மாட்டா என்றே நினைக்கிறார்கள்.

கோடையில் காய்ச்சல் குறைவாக பரவுவதற்கு ஒரு காரணம் என்னவென்றால், மக்கள் குறைந்த இடைவெளியில் குறைந்த நேரத்தை ஒன்றாக செலவிடுகிறார்கள். குறிப்பாக, இது பள்ளி மூடல்களுடன் இணைக்கப்படலாம் என்று லண்டன் ஸ்கூல் ஆப் ஹைஜீன் அண்ட் டிராபிகல் மெடிசின் ஜான் எட்மண்ட்ஸ் கூறுகிறார்.

இருப்பினும், குழந்தைகள் காய்ச்சலைப் பரப்ப முனைகிறார்கள், ஏனென்றால் பெரியவர்களைக் காட்டிலும் காய்ச்சல் விகாரங்களுக்கு குழந்தைகளுக்கு நோய் எதிர்ப்பு சக்தி குறைவாக இருப்பதால், அவர்கள் பல விகாரங்களுக்கு ஆளாகின்றனர். புதிய கொரோனா நுண்ணுயிரிக்கு இது பொருந்தாது - இளைஞர்களிடையே குறைவான கொரோனா பரவல் பதிவாகியுள்ளன, இருப்பினும் இது அவர்கள் தீவிரமாக நோய்வாய்ப்படுவதற்கான வாய்ப்புகள் குறைவாக இருப்பதால் தான்.

எது எப்படி இருப்பினும்- தமிழகம் மருத்துவத் துறையில் உலகின் முன்னோடி என்ற வகையிலும், ஆறுமாதத்திற்கு வெயில் நமக்கு துணையாக இருக்கிறது என்ற நம்பிக்கையோடும், தமிழக மக்கள் கொரோனா பீதியில் உழல வேண்டாம். இந்த முறை வெய்யிலுக்கு எதிரான குளூரூட்டல் நடவடிக்கைகளை இயற்கை சார்ந்து மட்டுமே முன்னெடுத்தும், முடிந்தவரை வெயிலை கொண்டாடியும் கெரோனாவிற்கு தமிழகத்தில் விடை கொடுப்போம்.

மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.