பொது ஊரடங்கால் திரையுலகம் பாதிப்பை சந்தித்துள்ளது. திரைக்கு வர தயாராக இருந்த 50-க்கும் மேற்பட்ட படங்கள் முடங்கி உள்ளன. இந்த நிலையில் வரவிருக்கும் இரண்டு படங்கள் எண்ணிமத் தளத்தில் வெளியீடாக உள்ளன. 21,வைகாசி,தமிழ்தொடர்ஆண்டு-5122: ஜானகிராமன் இயக்கத்தில் கலையரசன், ஆனந்தி நடித்துள்ள ‘டைட்டானிக்: காதலும் கவுந்து போகும்’ படம் நேரடியாக எண்ணிமத் தளத்தில் வெளியாக உள்ளதாக கூறப்படுகிறது. பொது ஊரடங்கால் திரையுலகம் பாதிப்பை சந்தித்துள்ளது. திரைக்கு வர தயாராக இருந்த 50-க்கும் மேற்பட்ட படங்கள் முடங்கி உள்ளன. நூற்றுக்கும் மேற்பட்ட படங்கள் பாதியில் நிற்கின்றன. ஊரடங்கு முடிந்து திரையரங்குகளைத் திறந்தாலும் சமூக இடைவெளிக்காக ஒரு இருக்கையை காலியாக வைத்து படம் ஓட்ட வற்புறுத்தப்படலாம் என்று தெரிகிறது. இதனால் புதிய படங்களுக்கான வணிகம் பழைய மாதிரி இருக்காது என்று கூறப்படுகிறது. இதனால் சிறு செலவுத்திட்டப் படங்களை நேரடியாக எண்ணிமத் தளங்களில் வெளியிட முனைப்பு காட்டி வருகின்றனர். அந்தவகையில் ஜோதிகா நடித்த பொன்மகள் வந்தால் திரைப்படம் கடந்த மாதம் வெளியாகி நல்ல வரவேற்பை பெற்று வருகிறது. அடுத்ததாக கீர்த்தி சுரேஷ் நடித்துள்ள பெண்குயின் திரைப்படம் நாளது 05,ஆனி,தமிழ்தொடர்ஆண்டு-5122 (19.06.2020) அன்று வெளியாக உள்ளது. இந்நிலையில், ஜானகிராமன் இயக்கத்தில் கலையரசன், ஆனந்தி, ஆஷ்னா சவேரி, காளி வெங்கட் உள்ளிட்ட பலர் நடிப்பில் உருவாகியுள்ள ‘டைட்டானிக்: காதலும் கவுந்து போகும்’ படமும் நேரடியாக எண்ணிமத் தளத்தில் வெளியிட கலந்துரையாடல் நடைபெற்று வருவதாக கூறப்படுகிறது. சி.வி.குமார் தயாரிப்பில் உருவாகியுள்ள இந்தப் படத்துக்கு நிவாஸ் கே.பிரசன்னா இசையமைத்துள்ளார்.
மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.
