சாத்தான்குளம் கொடூர நிகழ்விற்கு ஹிந்தி படவுலக நடிகை ப்ரியங்கா சோப்ரா கடும் கண்டனம் தெரிவித்துள்ளார். 13,ஆனி,தமிழ்த்தொடராண்டு-5122: சாத்தான்குளம் கொடூர நிகழ்விற்கு ஹிந்தி படவுலக நடிகை ப்ரியங்கா சோப்ரா கடும் கண்டனம் தெரிவித்துள்ளார். தூத்துக்குடி மாவட்டம் சாத்தான்குளத்தில் ஊரடங்கின்போது கடை திறக்கப்பட்ட முன்னெடுப்பில் சாத்தான்குளம் காவல்துறையினர் தந்தை, மகனை அழைத்துச் சென்று தாக்கியதாகக் குற்றச்சாட்டு எழுந்தது. பின்னர் கோவில்பட்டி கிளைச் சிறையில் அடைக்கப்பட்ட மகனும் அடுத்து தந்தையும் 12 மணி நேர இடைவெளியில் உயிரிழந்தனர். இந்த முன்னெடுப்பு தமிழகம் முழுவதும் அதிர்வலையை ஏற்படுத்தியது. ஜெயராஜ் மற்றும் பென்னிக்ஸ் ஆகியோர் காவல்துறையினரால் விசாரணைக்கு அழைத்துச் செல்லப்பட்டபோது மர்மமான முறையில் உயிரிழந்திருக்கும் நிகழ்வை அனைத்து அரசியல் கட்சிகளும் கண்டித்துள்ளன. காவல் துறையினர் மீது கொலை வழக்குப் பதிவு செய்ய அரசியல் கட்சித் தலைவர்கள் கோரிக்கை வைத்துள்ளனர். இந்நிலையில் இந்த நிகழ்வுக்கு நடிகை ப்ரியங்கா சோப்ரா கடும் கண்டனம் தெரிவித்துள்ளார். இதுகுறித்து அவர் தனது கீச்சுப் பக்கத்தில் கூறியிருப்பதாவது: நான் கேள்விப்பட்டுக் கொண்டிருக்கும் பாடுகள் கடும் அதிர்ச்சியையும், சோகத்தையும், கடும் கோபத்தையும் ஏற்படுத்துகின்றன. எந்தவொரு மனிதருக்கும் இந்தக் கொடுமை நிகழக்கூடாது, அவர் என்ன குற்றம் செய்திருந்தாலும் சரி. இதற்குக் காரணமான குற்றவாளிகள் உறுதியாகத் தண்டிக்கப்படவேண்டும். அந்தக் குடும்பத்தினர் இப்போது எந்த நிலையில் இருப்பார்கள் என்பதை என்னால் கற்பனை கூட செய்யமுடியவில்லை. அவர்களுக்கு என்னுடைய வேண்டுதல்;கள். இறந்த ஜெயராஜ் மற்றும் பென்னிக்ஸ் இருவருக்கும் நியாயம் கிடைக்க நாம் அனைவரும் ஒன்றிணைந்து குரல் எழுப்ப வேண்டும். இவ்வாறு ப்ரியங்கா சோப்ரா தனது கீச்சுப் பதிவில் துணுக்குற்றுள்ளார்.
மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.
