10,மாசி,தமிழ்தொடர்ஆண்டு-5119: பாண்டிராஜ் இயக்கத்தில் கார்த்தி நடிக்கும் படம், கடைக்குட்டி சிங்கம். இதில் உழவன் கதாபாத்திரத்தில் நடிக்கிறார் கார்த்தி.

இமான் இசையமைக்கும் இந்தப் படத்தை நடிகரும் கார்த்தியின் சகோதரருமான சூர்யா தயாரிக்கிறார். சத்யராஜ், சூரி, சயீஷா, ப்ரியா பவானிசங்கர் போன்றோர் நடிக்கிறார்கள். கார்த்தியின் அப்பாவாக சத்யராஜ், கார்த்தியின் அக்காக்களாக மௌனிகா, யுவராணி, தீபா, ஜீவிதா, இந்துமதி என்று 5 பேர் நடிக்கிறார்கள். தெலுங்கிலும் வெளியாகும் இந்தப் படத்துக்கு சின்னபாபு என்று பெயரிடப்படுள்ளது. கோடைக்காலத்தில் கடைக்குட்டி சிங்கம் வெளியாகவுள்ளது.

இப்படம் குறித்து இயக்குநர் பாண்டிராஜ் கூறியதாவது: 

படத்தில் கார்த்தி மாதம் 1.50 லட்சம் ரூபாய் சம்பாதிக்கும் கெத்தான உழவன் வேடத்தில் நடித்துள்ளார். எப்படி பொறிஞர், மருத்துவர் என்று எல்லோரும் தங்கள் பெயருக்கு பின் தாங்கள் செய்யும் வேலையைப் போட்டு பெருமையாகச் சொல்லிக் கொள்கிறார்களோ அதேபோல் கார்த்தி, தான் ஒரு உழவன் என்பதைப் பெருமையாகச் சொல்லிக்கொள்ளும் ஒரு கதாபாத்திரத்தில் நடிக்கிறார். 

இளைஞர்கள் சிலர் இப்போது தாங்கள் செய்யும் தகவல்நுட்பத் துறை வேலை போன்றவற்றை விட்டுவிட்டு வேளாண்மை செய்ய வந்துவிட்டார்கள். கடைக்குட்டி சிங்கம் படத்தின் வெளியீட்டுக்குப் பிறகு இன்னும் நிறைய இளைஞர்கள் வேளாண்துறைக்கு வருவார்கள். அந்த அளவுக்குப் படத்தில் உழவின் முதன்மை பற்றியும் உறவு பற்றியும் உள்ளது. 

படத்தின் கதையை முதலில் கேட்ட சூர்யா தமிழ்த் திரையில் இவ்வளவு அழகான குடும்பக் கதையைப் பார்த்து வெகுநாளாச்சு என்று பாராட்டினார் என்று கூறியுள்ளார்.

-தமிழர்க்குத் தொடர்ஆண்டு மட்டுமல்ல தொடர் நாள் கணக்கும் உண்டு. இன்று தமிழ்தொடர்நாள் எண்: 18,69,706 

மௌவலின் தினசரி செய்திகளை உடனுக்குடன் பெற, Facebook, Twitter மற்றும் Google Plus போன்ற சமூக வலைதள பக்கங்களில் பின்தொடருங்கள்.